Падарожжа на балота Ельня / Путешествие на болото Ельня, Минск

Наведайце Ельню - адно з найбуйнейшых верхавых балотаў ў Еўропе! Атрымайце нявыказаныя ўражанні ад сузірання прыгажосці некранутай прыроды!

Працягласць падарожжа 2 дні і 1 ноч. Начоўка ў палатках, харчаванне паходнае (сапраўдная турысцкая кухня). Пажаданы гумовыя боты. У кошт паслугі ўваходзіць харчаванне, карыстанне турысцкім рыштункам, праца інструктара, медыцынская аптэчка і афармленне неабходных дакументаў.

Па ўсім балоце раскіданы невялікія астравы, пакрытыя мелкаліставымі і яловымі лясамі. Большая частка балотнага масіву зарасла невысокай хвояй, але сустракаюцца і даволі значныя адкрытыя ўчасткі са шматлікімі дробнымі азёрамі і вокнамі чыстай вады.

На тэрыторыі заказніка сустракаецца 98 відаў птушак, 23 з якіх занесены ў Чырвоную кнігу Беларусі. Балотны масіў Ельня мае вялікае значэнне як месца прыпынку мігрыруючых гусей, качак і жураўлёў на вясновых і восеньскіх пралётах.

З раслін, якія растуць на тэрыторыі балота і на мінеральных астравах, 11 відаў уключаны ў Чырвоную кнігу. Сярод іх і рэдкія для Беларусі бяроза карлікавая (Betula nana) і марошка прысадзістая (Rubus chamaemorus). Фаўна наземных пазваночных уключае 7 відаў земнаводных, 5 відаў паўзуноў, 31 від млекакормячых (большасць з іх пражывае на перыферыйных участках балота ці наведвае яго ў пошуках корму).